[size=16]سلام عليكم ورحمة الله وبركاته
صباح الخير يا وجيه الخير .. وكل واحد حسب وجهه
علوم اخبار يا الحلوين
مع اني اخاف من الحسد واخاف انه حد يحسدنا بس قلت بتوكل على الله وبراويكم سفينة الاهل وهي عباره عن هدية الوالد للوالده يوم ما ييتهم انا << اصلا يوم ما ييتهم اسرائيل دخلت على بيروت ما علينا
المهم ما بطول عليكم واللي يبا يطل رحله في هالسفينه المتواضعه يخبرني وفاله طيب الوالده قلبها طيب وحبوبه (( محد يغازل امي كبيره في العمر اعتبروها امكم وبس يا عصبي انته 61 سنه عمرها ))
السفينة تابعة للخطوط الدولية الكاريبية الملكية<< هذا الاسم التجاري والمستعار عسب الحسد
تحتوي على 15 طابق << بلللللللل .. توك تقول عن الحسد
وتستوعب حوالي 4370 راكب << يسد المنتدى بكبره
يديرها طاقم مكون من 1360 شخص << هاييل صغار الموظفين
تكلفة الأنشاء: 850 مليون دولار << المشكله انه الوالد كان يمر في ازمه ولا كان سواها احلى بس انقذته وسلفته 70 بالميه من المبلغ
الوزن :150 ألف طن... خف الريشه
الأبعاد: العرض 388 متر الأرتفاع 65 متر
طبعا ايامها ماكان في شي اسمه برج دبي ولا كنا حطينا صورته بس الوالد الله يهديه مستعيل ولكن الحمدالله ع كل حال
تشوفوني وانا اسويلكم باي باي من بعيد . عسب تصدقون انه لي اسهم في هالسفينه تقريبا مشتري حوالي 83 بالميه من الاسم يعني تقدرون تقولون عني انا المالك لهلسفينه ولكن نفس ما قلنا عن الحسد
هاه حطيت صوره اوضح كنت واقف انا و استحي اقول صراحه مش بنت مش بنت << عسب لا يخرب على عمره وكنا نحتسي قدحا من النبيذ المعتق
بالله عليكم ما يذكركم في دبي مول .. يعني نحن سبقناهم . خبرت الوالد عن هالفكره ووايد عيبته .. انتو تعالو شوفوها فالليل .. شتتتتت جو غيييييييييير << يقص عليكم فالليل برد
على قد الحال
ما حبيت اغير شي بس اللهم عسب المسافرين ما يملون عرفتو عليه
هالجناح كل سنه ما يحجزونه حق اي حد وهذا مدخله لاني انا اتمني فيه 3 شهور تعرفون البزنس يعور الراس ولا لأ يا صبايا << بدينا
ابسط شي موجود في كراج العزبه وحطيناه في السفينه لانه مسويه زحمه في العزبه << ماشا ءالله عايش الدور
طبعا انا ابرمت عقد (( انتبهو على كلمة ابرمت )) المهم ابرمت عقد مع هوليود وبوليود كل شي جديد حتى لو ما خلصو تصويره هاتولي ياه بشوفه وبعطيكم رايي
هذا فرع راشد علي بس في السفينه (( هل العين يعرفونه )) وحق هل دبي سميته فرع خفايف اللي في شارع الضيافه
اللللللله يبتكم على العوق .. مرقص صغيروني وما اقدر اودر اجواء الصخب والغناء وشغل الاوكار عشان هالموضوع احجز ثلاث شهور السفينه في الصيف ههههههههه
هذا اسمه ام زهير وايلد وادي على اسم امي سميته لانها ربتني وحملتني 9 شهور وهذا اصغر شي اسويه لها فديتها << والله اللي يغازل امي بسويله مشاكل
هذي حجر الثري ستار في السفينه ما اقدر اتخيل عمري راقد على هالنوعيه من الفراش صراحه شي بيئه وما اتحمل بس سويته حق ذوي الدخل المحدود
.......
اخرا وليس اخيرا
المعجبات على اليمين والمعجبين على اليسار وبالدووووووور صور اوكي اوتوغراف اوكي بعدين اللي يبا يقرب سمحولي مزجم وما اتحمل اي ريحة عطر انا ما احبه فهمنا ولا لأ
[/size]