تـــــــــــــــوأم روحــــــــــــــــى

: مرحبا بك عزيزي الزائر. المرجوا منك أن تعرّف بنفسك لدخول المنتدى معنا. إن لم يكن لديك حساب بعد, نتشرف بدعوتك لإنشائه والمشاركه معنا

انضم إلى المنتدى ، فالأمر سريع وسهل

تـــــــــــــــوأم روحــــــــــــــــى

: مرحبا بك عزيزي الزائر. المرجوا منك أن تعرّف بنفسك لدخول المنتدى معنا. إن لم يكن لديك حساب بعد, نتشرف بدعوتك لإنشائه والمشاركه معنا

تـــــــــــــــوأم روحــــــــــــــــى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مرحبا بكم فى منتديات توأم روحى


    كيف تخشع في صلاتك

    sunset
    sunset
    Admin
    Admin


    عدد الرسائل : 1368
    العمر : 45
    البلد : كيف تخشع في صلاتك Eg10
    تاريخ التسجيل : 03/04/2008

    كيف تخشع في صلاتك Empty كيف تخشع في صلاتك

    مُساهمة من طرف sunset الخميس 27 أغسطس 2009, 7:56 pm


    النهارده هكلمكم عن تجربتى الشخصيه في الخشوع في الصلاه
    صدقنى انا كنت بعانى اكتر منك ومنك انت كمان
    كانت الصلاه استغفر الله تقيله على قلبي قوى
    وكان وقتها صعب عليه واتمنى انه ما يجى اصلا
    مش ده اللى بتحسه ساعات وبتحسيه انتى كمان
    بس من جواكى نفسك تلتزمى وتصلي بس مش قادره
    عارفه انها اول حاجه هتتحا سبي عليها وهى اللى تقريبا هتقرر مصيرك
    بس برده مش قادره كبيره قوى عليكى ماهو ربنا قال كده برده
    (انها لكبيره الا على الخاشعين)
    طيب ايه الحل ماحنا لازم نصلي ومادمنا في شهر رمضان فدى فرصه كبيره
    طيب تعالوا نتكلم كده بالبلدى ونحاول نلاقي حل
    قولى وقوليلي بصراحه
    انتى بتزهقي من الصلاه ليه
    بتاخد منك وقت /بتحسي بالملل وانتى بتصلي/لسه هقوم اتوضي /بتعطلك عن شغل البيت او شغلك او هوايتك
    طيب هناخد حاجه حاجه ونفكرلها في حل سوا
    موافقين طيب يلا نبتدى
    يتبــــــــــــــــــــــــــــــــــــــ Question ــــــــــــــــــــــــــــــــــــــــع
    sunset
    sunset
    Admin
    Admin


    عدد الرسائل : 1368
    العمر : 45
    البلد : كيف تخشع في صلاتك Eg10
    تاريخ التسجيل : 03/04/2008

    كيف تخشع في صلاتك Empty رد: كيف تخشع في صلاتك

    مُساهمة من طرف sunset الخميس 27 أغسطس 2009, 8:12 pm


    بتاخد منك وقت وبتعطلك
    لا دى هنسيبنا منها وخلينا واقعيين كده
    احنا مفروض علينا كام صلاه في اليوم
    خمس صلوات وبحساب عدد الركعات هيكون عندنا 17 ركعه من غير النوافل طبعا
    لو قلنا ان الركعه بتاخد مننا دقيقتين
    يعنى الخمس صلوات محتاجين مننا 34 دقيقه
    يعنى اقل بكتير من ساعه من اربعه وعشرين ساعه بقي يعنى مفتكرش انها هتفرق معانا
    طيب شوف انت بتاخد حمامك في اد ايه وبتفطر في اد ايه وبتتفرج على التليفزيون كام ساعه في اليوم
    وبتقعد على النت كاااام ساعه كتير مش كده يعنى مش هتفرق لو اخدنا منهم نص ساعه تنجينا من الخلود في النار ولا ااااااااااااايه؟؟؟؟
    بتكســــــــــــــل تتوضي؟؟
    اااااااااه طيب اقولك حاجه تشجعك على الوضوء وتخليك نفسك تتوضي حتى لو مفيش صلاه ؟
    خد الحديث ده اقراه برااااحه كده وحاول تفهمه
    قال المصطفى صلى الله عليه وسلم :" إذا توضأ العبد فغسل وجهه خرجت الخطايا من تحت أشفار عينيه ,فإذا غسل يديه خرجت الخطايا من يديه حتى تخرج من تحت أظافريديه , فإذا مسح رأسه خرجت الخطايا من رأسه حتى تخرج من تحت أذنيه فإذا غسل رجليه خرجت الخطايا من رجليه حتى تخرج من تحت أظافر قدميه" .

    ايه رايك بقي بذمتك مش الحكايه تستاهل
    طب واللهى تستاهل يعنى انت بتتخلص من ذنوبك كانك بتغسل هدومك كده بالبلدى
    يعنى الوضوء مبقاش غسل للبدن بس ده للروح كمان
    اقتنعت ولا لسه
    باقي ايه كده ؟؟اااااه الخشوع في الصلاه لان دى اللى بتخلى الصلاه مش كبيره عليك
    وبتحببك في الصلاه عايز تعرف ازاى ؟هات ودانك وانا اقولك سرها
    يتبــــــــــــــــــــــ Neutral ـــــــــــــــــــــــــع

    sunset
    sunset
    Admin
    Admin


    عدد الرسائل : 1368
    العمر : 45
    البلد : كيف تخشع في صلاتك Eg10
    تاريخ التسجيل : 03/04/2008

    كيف تخشع في صلاتك Empty رد: كيف تخشع في صلاتك

    مُساهمة من طرف sunset الخميس 27 أغسطس 2009, 8:34 pm


    الخشـــــــــــــوع في الصلاه
    ركز معايا كده بقي لان دى اهم نقطه في الموضوع وهنقولها في نقاط
    علشان نسهلها على نفسنا ونقدر نستفيد منها
    اولا /الاستعداد للصلاه
    ده هيكون بالوضوء وزى ما ذكرنا فضل الوضوء قبل كده الا انه بيخليك في حاله تاهب للصلاه
    فهى تعطيك الحاله الروحانيه وهى الاستعداد لمقابله الملك
    (لازم تحسها كده حاول صدقنى هتفرق معاك كتير)
    ثانيا /اختيار مكان مناسب للصلاه
    يعنى مش هنعمل مش واخدين بالنا ونقف جنب التليفزيون ونتابع المسلسل واحنا بنصلي
    ولا جنب الشباك واسمع الاغنيه الحلوه اللى مشغلها ابن الجيران ممممماشي
    وكمان برده لازم يكون مكان مناسب ليك بمعنى مثلا ميكنش حر علشان يساعدك على الخشوع
    ثالثا/استقبال القبله والبدء في الصلاه
    وهى من اهم اهم المراحل استقبل القبله بقلبك اولا ثم بجسدك وقول الله اكبر بس استنى
    اوعى تقولها بلسانك بس وقلبك غافل عنها
    لازم تقولها بلسانك وقلبك وعقلك الله اكبر من الدنيا ومن فيها الله اكبر من الدنيا وما عليها
    رابعا/قراه الفاتحه
    يااااا الله ما اجملها من مرحله اتعلم انها حوار بينك وبين الخالق استمع معى وتامل
    قال رسول الله صلى الله عليه وسلم :قسمت الصلاة بيني وبين عبدي’ولعبدي ما سأل , فإذا قال العبد:((الحمد لله رب العالمين)) قال الله : حمدني عبدي’ فإذا قال العبد : ((الرحمن الرحيم)) قال الله:أثنى عليّ عبدي , فإذا قال العبد :((مالك يوم الدين)) قال الله: مجدني عبدي...... الحديث .
    وبعد ذالك ادع الله:((اهدنا الصراط المستقيم)) وإذا اكملت دعاءك قل :"آمين
    " قلها بقلب مطمئن لأن الملائكة تؤمنّ على تأمينك .

    (ادركت جمالها0000كان احد الصحابه يقرا كل ايه من الفاتحه ثم يصمت وعندما سئل عن السبب قال (استمتع برد ربي
    اتشعر معى جمالها نعم في صلاتك يحدثك ربك وينظر اليك ولكن انتبه ان التفت في صلاتك ناداك الرحمن
    [quoteإلى خير مني’ أوجدت لك إلها غيري؟.

    ][/quote]

    فانتبه بالله عليك استحضر وقفتك امام الرحمن اشعر بها اعلم انك امامه حقا بين يديه بالفعل بنظر اليك ويسمعك بل ويرد عليك
    لو استحضرتها ستكون الصلاه احب الاعمال اليك
    ان ركعت استحضر وجود ربك امامك وقل له بكل خشوع وحب سبحان ربي العظيم
    وان سجدت استحضر وجود الرحمن وقل له بكل خشوع سبحان ربي الاعلى ثم اطلب منه ما تشاء
    فكما قال جامع الكلم عليه الصلاه والسلام
    (اقرب ما يكون العبد من ربه وهو ساجد فاكثروا الدعاء في السجود)
    يتبــــــــــــــــــــــــــــــــــــ Exclamation ــــــــــــــــــــــــع
    sunset
    sunset
    Admin
    Admin


    عدد الرسائل : 1368
    العمر : 45
    البلد : كيف تخشع في صلاتك Eg10
    تاريخ التسجيل : 03/04/2008

    كيف تخشع في صلاتك Empty رد: كيف تخشع في صلاتك

    مُساهمة من طرف sunset الخميس 27 أغسطس 2009, 8:47 pm

    ادعى كتير واطلب كل اللى نفسك فيه وان شاء الله كل اللى تطلبه يتحقق
    بس انت ادعى زى ما ربنا طلب مننا
    ادعونى وانتم موقنين بالاجابه
    وانا عند ظن عبدى بيه
    بس انت اطلب ده ربنا اللى بيوعد مش ماما وبابا ولا مديرك في الشغل ولا صاحبك الانتيم
    ده ربنا ياجماعه اللى قال لسيدنا وسيد الخلق في القران الكريم
    واذا سالك عبادى عنى فانى قريب اجيب دعوه الداعى
    بس انت ادعى بس المهم متنساش تدعى
    اللهم ارزقنا الصلاه والخشوع فيها ودمها علينا نعمه ولا تحرمنا من الوقوف بين يديك
    وقول كمان اللهم اجعل خير اعمالنا خواتيمها وخير ايامنا يوم ان نلقاك
    ولما تيجى تقول التشهد بقي قول بكل روحك وقبلك وبكل اعصابك
    التحيات لله والصلوات والطيبات
    ده انت بتسلم على ربنا يا سيدى ركز فيها وقولها بكل كيانك
    السلام عليك ايها النبي ورحمه الله وبركاته
    ده سلام للنبي في ملائكه مخصوصه بتوصله للنبي كل ما تقوله
    يلا قوله بضمير بقي علشان يوصل ويفرح نبيك
    وكمل التشهد وانت بتصلي وتسلم على محمد واهل بيته
    حس كل كلمه بتقولها صدقنى هتساعدك قوى في الخشوع
    انا خلصت بس اكيد في حاجات كتير انت ممكن تكتشفها بنفسك وممكن تنصحنا بيها ونستفيد منها
    مستنين تجربتك ونصايحك اللى اكيد هنهتم ناخد بيها ونطبقها بكل الحب والاحترام
    Question

    ولا تنسونا بصالح الدعاء
    يا رب اكون قدرت اساعدكم ولو بشئ بسيط
    تقبل الله منا ومنكم صالح الاعمال

      مواضيع مماثلة

      -

      الوقت/التاريخ الآن هو الجمعة 29 مارس 2024, 8:59 am